काठमाडौं । आगामी मङ्सिर १६ गते हुने उपनिर्वाचनको लागि जसपा नेपालले कीर्तिपुर नगरपालिकामा तेस्रो लिङ्गीलाई उम्मेदवार बनाएको छ ।
आइतबार पार्टीका तर्फबाट हनि महर्जनले कीर्तिपुर नगरपालिकाको मेयर पदमा उम्मेदवारी दर्ता गराएका हुन् ।
पिछडिएको सीमान्तकृत समुदाय र यौनिक तथा लैङ्गिक समुदायलाई ल्याउने उद्देश्यले उनलाई उम्मेदवार बनाइएको जसपाले जनाएको छ ।
त्यस्तै कीर्तिपुर नगरपालिका– ४ को वडाध्यक्षमा पनि सो पार्टीले तेस्रो लिङ्गीलाई उम्मेदवार बनाएको छ । सो वडाको अध्यक्ष पदमा तेस्रो लिङ्गी मनि महर्जनले उम्मेदवारी दर्ता गराएका छन् ।
प्रकाशित मिति : २०८१ मङ्सिर २ गते आइतवार
