२४ कार्तिक, काठमाण्डौँ । सत्तारुढ नेकपा एमालेको सचिवालय बैठक आज बस्दै छ । आज बिहान ११ बजे पार्टी केन्द्रीय कार्यालय च्यासलमा बस्ने गरी सचिवालय बैठक बोलाइएको हो । आज बस्ने बैठकमा स्थानीय तहको उपचुनावको विषयमा छलफल हुने बताइएको छ । त्यस्तै समसामयिक राजनीति, सरकार सञ्चालन, सरकार सञ्चालनका लागि गठित संयन्त्रलगायतका विषयमा छलफल हुनेछ ।
एमाले प्रचार विभाग प्रमुख राजेन्द्र गौतमका अनुसार पार्टी अध्यक्ष एवं प्रधानमन्त्री केपी शर्मा ओलीको अध्यक्षतामा बैठक बस्नेछ ।
प्रकाशित मिति : २०८१ कार्तिक २४ गते शनिवार
