काठमाडौं । अमेरिकी राष्ट्रपति चुनावमा डोनाल्ड ट्रम्प विजयी भएका छन्। उनले २७९ इलेक्टोरल भोट जितेका छन् भने प्रतिद्वन्द्वी कमला ह्यारिसले २२३ इलेक्टोरल भोट पाएकी छन्।
ट्रम्पको नीतिहरू:
आप्रवासन: ट्रम्पले अमेरिकाको सिमाना सिल गर्ने वाचा गरेका छन्। उनले अमेरिका र मेक्सिकोबीचको पर्खाल निर्माण सम्पन्न गर्ने र कागजपत्रविना बसेका आप्रवासीलाई फिर्ता पठाउने बताएका छन्।
अर्थतन्त्र: ट्रम्पले मुद्रास्फीति घटाउने वाचा गरेका छन्। उनले अमेरिकाको उर्जा उत्पादन बढाएर र आर्कटिक क्षेत्रलाई तेल ड्रिलिंगको लागि खोलेर यो गर्ने बताएका छन्।
कर: ट्रम्पले अरबौं र ट्रिलियन डलरको कर कटौती गर्ने वाचा गरेका छन्। उनले २०१७ मा पनि त्यस्तै गरेका थिए, जसमा धेरै जसो धनीहरूलाई फाइदा भयो।
गर्भपतन: गर्भपतनको मुद्दामा ट्रम्पले राज्यहरूले यसको कानुनी पक्षमा निर्णय गर्ने संकेत गरेका छन्। ट्रम्पले नियुक्त गरेका तीन न्यायाधीशले रो बनाम वेड मुद्दामा भएको निर्णयलाई उल्टाउन महत्त्वपूर्ण भूमिका खेलेका थिए।
युद्ध: ट्रम्पले विश्वमा जारी युद्धहरू समाप्त गर्ने र नयाँ युद्ध सुरु नगर्ने वाचा गरेका छन्। उनले आफ्नो राष्ट्रपतिकालमा अमेरिकालाई युद्धमा नलग्ने र शान्ति स्थापना गर्ने प्रतिबद्धता जनाएका छन्। ट्रम्पले विभिन्न अन्तर्राष्ट्रिय मुद्दाहरूमा कूटनीतिक समाधान खोज्ने र सैन्य हस्तक्षेपबाट टाढा रहने नीति अपनाउने बताएका छन्।
अमेरिकी राष्ट्रपति निर्वाचनमा डोनल्ड ट्रम्प विजयी, अब कुनै युद्ध नहुने पहिलो धारणा !
