काठमाडौं । सत्ता साझेदार नेपाली कांग्रेसका सभापति एवं पूर्वप्रधानमन्त्री शेरबहादुर देउवाले प्रधानमन्त्री केपी शर्मा ओली नेतृत्वको सरकारले एक सय दिनमा राम्रो काम गरेको बताएका छन् । भक्तपुरमा कांग्रेसले आयोजना गरेको शुभकामना आदानप्रदान कार्यक्रममा देउवाले सरकारलाई कांग्रेसको तर्फबाट कुनै अवरोध नहुने स्पष्ट गरेका हुन् ।
देउवाले प्रधानमन्त्री ओलीले देशका लागि राम्रा काम गरिरहेको भन्दै आगामी दिनमा पनि त्यस्तै काम जारी राख्ने विश्वास व्यक्त गरे । उनले आफूले प्रधानमन्त्रीलाई सल्लाह र सुझाव दिएर सहयोग गरिरहेको र विपक्षी दलको आलोचना स्वाभाविक भएको पनि जानकारी गराए ।
प्रकाशित मिति : २०८१ कार्तिक १७ गते शनिवार
