काठमाडौं । काठमाडौं महानगर प्रहरी बलले गौशालाको धर्मशालामा महानगरको बोर्ड राखेको छ। माडवाडीको प्रतिकारबीच महानगर प्रहरीले माडवाडी सेवा समितिले राखेको बोर्ड हटाएर आफ्नो बोर्ड राखेको छ।
सोही क्रममा माडवाडी सेवा समिति र काठमाडौं महानगर प्रहरीहरूबीच धकेलाधकेल भएको थियो। पशुपतिनाथको स्वामित्वमा रहेको गौशाला धर्मशाला खाली गराउन पुगेको महानगरको नगर प्रहरी र माडवाडी सेवा समितिबीच धकेलाधकेल भएको हो।
धर्मशाला खाली गराउन नमानेपछि नगर प्रहरीले जबरजस्ती धर्मशाला खाली गराउन खोज्दा माडवाडीहरूले प्रतिवाद गरेका थिए। नगर प्रहरीले खाली गराउन नसकेपनि आफ्नो बोर्ड राखेको छ ।
प्रकाशित मिति : २०८१ असोज २३ गते बुधवार
