२३ साउन, काठमाडौं । नुवाकोटको शिवपुरी गाउँपालिका–७, सूर्यचौरमा हेलिकप्टर दुर्घटना हुनेवित्तिकै आगलागी भएको देखिएको छ । घटनास्थलमा पुगेको नेपाल प्रहरीको टोलीले खिचेको तस्वीरमा देखिएअनुसार, दुर्घटनामा एयरडाइनस्ट्रीको हेलिकप्टर टुक्राटुक्रा भएको छ ।
प्रहरीले घटनास्थलबाट ५ जनाको शव निकालेको बागमती प्रदेश प्रहरी प्रमुख डीआईजी विष्णुकुमार केसीले बताउनुभयो । उहाँका अनुसार, मृत्यु हुनेमध्ये ४ जना चिनियाँ नागरिक हुनुहुन्छ । एक जना पाइलट नेपाली नागरिक हुनुहुन्छ । उहाँहरु काठमाडौंबाट रसुवाको स्याफ्रुवेशीका लागि उड्नुभएको थियो ।
हेर्नुहोस् तस्वीरहरुः स्रोत नेपाल प्रहरी
प्रकाशित मिति : २०८१ साउन २३ गते बुधवार
