नेपालगन्ज । बैतडीका लागि उडेको अन्नपूर्ण एयरलाईन्सको हेलिकोप्टरले बाँकेमा आपतकालीन अवतरण गरेको छ । काठमाडौंबाट नेपालगन्ज हुँदै उडेको हेलिकोप्टर खराब मौसमका कारण बाँके राप्तीसोनारी भम्कामा आपतकाली अवतरण गरेको हो ।
नागरिक उड्डयन प्राधिकरण नेपालगन्ज टावरका अनुसार हेलिकोप्टर सुर्खेत जाने प्रयास गर्दै थियो तर खराब मौमसले त्यहाँ पुग्न सकेन । हेलिकोप्टरले आपतकालीन अवतरण गरेको ठाउँ नेपालगन्जबाट १२ नटिकल माइल पूर्वमा पर्छ ।
प्रकाशित मिति : २०८१ साउन २३ गते बुधवार
