काठमाडौं । आईसीसी टी–ट्वान्टी क्रिकेट विश्वकपअन्तर्गतको दुई खेल खेल्न वेस्ट इन्डिज जानुपर्ने नेपाली क्रिकेट टिम अमेरिकाको फ्लोरिडामै रोकिएको छ । समूह चरणको अन्तिम दुई खेल खेल्न वेस्ट इन्डिजको सेन्ट भिन्सेन्ट पुग्नुपर्ने नेपाल क्रिकेट टिम खराब मौसमका कारण अमेरिकाको फ्लोरिडामै रोकिएको हो ।
खासमा नेपाली क्रिकेट टिम बुधबार साँझ फ्लोरिडाबाट सेन्ट भिन्सेन्ट जाने तालिका भएपनि अमेरिकामा जारी वर्षाका कारण टिमको उडान रद्द हुन पुगेको हो । जसका कारण नेपाली टिम अमेरिकामै रोकिएको हो ।
वर्षाकै कारण मंगलबार फ्लोरिडामा तय भएको नेपाल र श्रीलंकाबीच खेल रद्द भएको थियो । यता वेस्ट इन्डिजको सेन्ट भिन्सेन्टमा नेपाल र दक्षिण अफ्रिकाबीच जुन *१५ र नेपाल र बंगलादेशबीच जुन १६ मा खेल हुने तालिका रहेको छ ।
*जुन १५ हुनुपर्नेमा अन्यथा भएकाले सच्याइएको छ ।
प्रकाशित मिति : २०८१ जेष्ठ ३१ गते बिहिवार
