काठमाडौं । भोलि आईसीसी टी–२० विश्वकप २०२४ मा नेपाल र भारतका लागि अति महत्वपूर्ण खेल हुँदैछन् । अमेरिकाको फ्लोरिडास्थित लडरहिलमा रहेको सेन्ट्रल ब्रोवार्ड पार्क एन्ड ब्रोवार्ड काउन्टी स्टेडियममा बिहान ५ः१५ मा नेपालले पहिलो पटक श्रीलंकासँग भिड्नेछ ।
बेलुका ८ः१५ मा छिमेकी भारतले आयोजक अमेरिकासँग भिड्नेछ । भोलि नै बिहान ६ः१५ बजे अस्ट्रेलिया र नामिबियाबीच खेल हुनेछ । भारत र अमेरिकापनि दुवै टोली पहिलो पटक आमनेसामने हुँदैछन् ।
मौसमविदका अनुसार नेपालले श्रीलंकासँग र भारतले अमेरिकासँग खेल्दा पानी पर्ने सम्भावना छ । भारत र अमेरिकाको खेल हुने समय ६ प्रतिशत सम्भावना रहेको छ भने नेपाल र श्रीलंकाको समय २१ प्रतिशत छ ।
यद्यपि यो प्रतिशत कम हो तरपनि अमेरिकाको मौसम विश्वास गर्न सकिँदैन। पाकिस्तानविरुद्ध भारतको खेलअघि वर्षाको सम्भावना पाँच प्रतिशत हुने अनुमान गरिएको थियो । खेलको क्रममा बेलाबेलामा पानी परेको थियो ।
