काठमाडौं । विनवार्ड्स भोलक्यानोजविरुद्धको पहिलो अभ्यास खेलमा नेपाल विजयी भएको छ । गएराती भएको खेलमा नेपालले विनवार्ड्सलाई ४ विकेटले पराजित गरेको हो ।
विनवार्ड्सले दिएको १९७ रनको लक्ष्य नेपालले १९ ओभर ३ बलमा ६ विकेट गुमाएर पूरा गर्यो । नेपालका लागी ओपनर कुशल भुर्तेल र दीपेन्द्रसिंह ऐरीले विष्फोटक ब्याटिङ गरे । कुशलले ४२ बलमा ७१ र दीपेन्द्रले २५ बलमा अविजित ५२ रन बनाए । सोमपाल कामी ३५ रनमा अविजित रहे ।
यसअघि पहिला ब्याटिङ गरेको विनवार्ड्स भोलक्यानोजले निर्धारित २० ओभरमा ८ विकेट गुमाउँदै १९६ रन बनाएको थियो । बलिङमा नेपालका कप्तान रोहित पौडेलले सर्वाधिक ३ विकेट लिएका थिए । विश्वकपको तयारीमा रहेको नेपालले विनवार्ड्स भोलक्यानोजसँग थप दुई अभ्यास खेल खेल्नेछ ।
प्रकाशित मिति : २०८१ जेष्ठ २ गते बुधवार
