काठमाडौं । अहमदाबादमा भारी वर्षाका कारण आईपीएल २०२४ को ६३औँ खेल रद्द भएको छ । वर्षाले गुजरात टाइटन्सको आशालाई ध्वस्त पारेको छ । योसँगै टोली प्लेअफको दौडबाट बाहिरिएको छ। गुजरात आईपीएलमा प्लेअफको दौडबाट बाहिरिने तेस्रो टोली हो।
यसअघि मुम्बई इन्डियन्स र पञ्जाब किंग्स पनि बाहिरिसकेका छन् । खेल रद्द भएपछि कोलकाता र गुजरातले एक–एक अंक पाएका छन् । प्लेअफको समीकरणमा रहन गुजरातलाई दुई अंक आवश्यक थियो तर खेल रद्द भएपछि अब एक अंक जोडेको छ । गुजरातको हाल १३ खेलबाट ११ अंक छ र टोलीको अर्को खेल सनराइजर्स हैदरावादसँग छ। गुजरातको टोलीले त्यो खेल जित्यो भने पनि टोलीले अधिकतम १३ अंकमा पुग्न सक्षम हुनेछ।
हालको अंक तालिकामा चार टोलीसँग १४ वा सोभन्दा बढी अंक छन् । यस्तो अवस्थामा जीटी टोली बाहिर छ। कोलकाता यसअघि नै प्लेअफमा पुगिसकेको छ । अब प्लेअफ पुग्ने प्रतिस्पर्धा छ टोलीबीच छ । अझै तीन स्थान खाली छन् । प्रतियोगितामा राजस्थान रोयल्स, चेन्नई सुपर किंग्स, सनराइजर्स हैदरावाद, रोयल च्यालेन्जर्स बैंग्लोर, दिल्ली क्यापिटल्स र लखनउ सुपर जायन्ट्स रहेका छन् । खेल रद्द भएपछि गुजरातका खेलाडीहरूले ल्याप अफ अननर प्रदर्शन गरेका थिए। उनले मैदानको वरिपरि गए र फ्यानहरूप्रति कृतज्ञता व्यक्त गर्दै धन्यवाद दिए।
