काठमाडौं । नेपाली बजारमा सुनचाँदीको मूल्य आज फेरि ह्वात्तै बढेको छ । साताको अन्तिम कारोबारको दिन शुक्रबार सुनको मूल्य बढेको हो । नेपाल सुन–चाँदी व्यवसायी महासंघका अनुसार आज छापावाल सुनको मूल्य तोलामा १४ सयले बढेर १ लाख ३७ हजार २०० मा कारोबार भइरहेको छ । हिजो छापावाल सुनको मूल्य १ लाख ३५ हजार ८०० थियो । त्यस्तै तेजावी सुनको मूल्य तोलाको १ लाख ३६ हजार ५५० रुपैयाँमा कारोबार भइरहेको छ ।
त्यसैगरी आज चाँदीको मूल्य पनि बढेको छ । महासंघका अनुसार आज चाँदीको मूल्य तोलामा २० रुपैयाँले बढेर प्रतितोला १६ सय ७५ रुपैयाँमा कारोबार भइरहेको छ । यस अघि बिहीबार चाँदी तोलाको १६ सय ५५ मा कारोबार भएको थियो ।
प्रकाशित मिति : २०८१ बैशाख १४ गते शुक्रवार
