काठमाडौं । यौन सम्पर्क होस् वा हस्तमैथुन यौन कार्यसँग सम्बन्धित कुनैपनि कार्य गरेपछि एक अनौठो गन्ध बाहिर आउन थाल्छ। तर त्यो गन्ध वीर्यको हो वा शुक्रकीटको हो या योनिको तरल पदार्थको हो भनेर बुझ्न गाह्रो हुन्छ। यौनविद् डा वी. रैनाले यौन सम्पर्क गरेपछि किन विभिन्न किसिमको गन्ध आउन थाल्छ भन्ने आफ्नो अध्ययनका आधारमा बताएकी छिन् ।
स्राव को गन्ध
यौनसम्पर्कका क्रममा दुवैजना उत्तेजित हुँदा योनिको स्नेहन, वीर्य र स्रावका साथै शरिरमा आउने पसिनामा निस्केको शरीरको गन्धले अनौठो गन्ध उत्पन्न गर्छ। सबै प्रकारका ल्युब्स र शुक्राणुनाशकहरूले कस्तुरीको गन्ध उत्पन्न गरेजस्तै सबैको मिश्रणबाट एक गन्ध बन्छ । यो गन्ध पार्टनपिच्छे फरक हुनसक्छ ।
दुबैको संयुक्त गन्ध
यौनसम्पर्क गर्दा योनिबाट निस्कने अम्लीय गन्ध र लिंगबाट निस्कने क्षारीय गन्ध मिलेर फरक किसिमको गन्ध पैदा हुन्छ । जसको गन्ध योनिको तरल पदार्थ र शुक्रकीट दुवैको गन्धसँग मिल्दैन। यसैले जो कोहीले के हो भन्ने ठम्याउन सक्दैनन् । यो गन्ध शरीरको पीएच स्तरमा निर्भर गर्दछ । जुन शारीरिक मिलनपछि पीएच स्तर कम हुन्छ। तपाईंको आहारले तपाईंको शरीरको पीएच स्तर निर्धारण गर्छ । दुबै शरीरमा रहेको पीएच स्तरका कारण कहिले कुन कहिले कुन खालको फरक–फरक गन्ध बन्छ ।
ब्याक्टेरियल संक्रमण
यदि गन्ध धेरै नराम्रो गन्धमा परिणत भयो भने तपाईले तुरुन्तै ब्याक्टेरिया असन्तुलनको लागि जाँच गर्न आवश्यक छ। एक प्रकारको ब्याक्टेरियल भ्यागिनोसिस तपाईको योनिको पीएच सन्तुलनबाट हुन्छ। यस बाहेक वीर्यमा कुनै संक्रमण भएमापनि दुर्गन्ध निम्त्याउँछ । योनिबाट सेतो स्राव पनि दुर्गन्धित हुने कारण हो । यसमा ध्यान दिइहाल्नुपर्छ ।
गोप्य अंग सफा नगर्ने बानी
प्रायः प्राइभेट पार्टलाई राम्ररी सफा नगर्दा दुर्गन्ध आउँछ । त्यसैले यौन सम्पर्क गर्नुअघि र पछि गोप्य अंग धुन नबिर्सनुहोस्। योनी र लिंगलाई बारम्बार धुँदा संक्रमणको सम्भावना कम हुन्छ। यदि यौनसम्पर्क गरेपछि धेरै दुर्गन्ध आउँछ भने यो यौन रोग ट्राइकोमोनियासिसको संकेत हो। त्यसकारण तपाईलाई एसटीसी अर्थाट यौन सम्बन्धि सरुवा रोगको संक्रमण छ वा छैन भनेर जाँच गर्नुहोस्।
