२४ फागुन, काठमाडौं । सुनले तीन दिनयता दैनिक उच्च मूल्य रेकर्ड बनाइरहेको छ । बिहीबार एकैदिन अघिल्लो दिनको तुलनामा सुन तोलामा १ हजार ५ सय रुपैयाँ बढेको हो । अघिल्लो दिन तोलाको १ लाख २३ हजार ५ सय रुपैयाँ रहेको सुन बिहीबार १ लाख २५ हजार पुगेको छ । विगत २१ दिनमा सुनको मूल्य ८ हजार ५ सय रुपैयाँ बढिसकेको छ। यसअघि फागुन ३ गते तोलाको १ लाख १६ हजार ५ सय रुपैयाँमा सुनको कारोबार भएको थियो ।
चाँदीको मूल्य पनि बढेको छ । चाँदी बिहीबार प्रतितोला १ हजार ४७० रुपैयाँ कायम भएको छ । अघिल्लो दिन तोलाको १ हजार ४४० रुपैयाँ थियो । चाँदीको मूल्यले भने यसअघिका रेकर्ड तोड्न सकेको छैन । यसअघि पुस १२ गते चाँदीको मूल्य १ हजार ४ सय ९० रुपैयाँ पुगेको थियो ।
प्रकाशित मिति : २०८० फाल्गुन २४ गते बिहिवार
