अयोध्या । भगवानन रामको प्राणप्रतिष्ठा समारोहमा आउनुहुने अतिविशिष्ट अतिथिलाई विशेष महाप्रसाद दिइनेछ । प्राणप्रतिष्ठामा श्री रामजन्मभूमि तीर्थ क्षेत्र ट्रस्टको अध्यक्षतामा महाप्रसाद दिइनेछ । यसका साथै कार्यक्रममा मन्दिर परिसरमा पाहुनालाई देसी घिउबाट बनाइएको खाना पनि खुवाइँदै छ ।
एक आधिकारिक विज्ञप्तिमा भनिएको छ कि श्री रामजन्मभूमि तीर्थ क्षेत्र ट्रस्टको निर्देशनमा, गुजरातको भगवा सेना, भारती गर्वी गुजरात र सन्त सेवा संस्थानले महाप्रसाद तयार गरिरहेको छ । जुन प्राण प्रतिष्ठा कार्यक्रम पछि अतिथिहरूलाई वितरण गरिनेछ। सन्त सेवा संस्थानका राष्ट्रिय अध्यक्ष कमलभाइ रावलले ट्रष्टले आफूलाई तीनवटा जिम्मेवारी दिएको बताए ।
जसअन्तर्गत महाप्रसाद तयार गर्ने, सन्तहरूको बस्ने र खानाको व्यवस्था मिलाउने गरी करिब दुई सय जनाको टोली आएको उनले बताए । पाँच हजार किलोभन्दा बढी सामग्रीबाट तयार पारिएको महाप्रसादमा शुद्ध देशी घिउ, चना, चिनी र पन्च ड्राई फ्रुट्स प्रयोग गरिएको छ । महाप्रसादको शुद्धताको विशेष ख्याल राखिएको र सबै सामग्री संस्थानले नै तयार पारेको उनले बताए । उनका अनुसार महाप्रसादको कुनै पनि सामग्री बजारबाट रेडिमेड ल्याइएको छैन ।
महाप्रसादका २० हजारभन्दा बढी प्याकेट तयार भइसकेको र प्रत्येक प्याकेटमा दुईवटा लड्डू, सरयु नदीको पानी, अक्षता, सुपारीको झोला र कलवा रहेको उनले बताए । सनातनी परम्परालाई ध्यानमा राखेर महाप्रसादको प्याकेट तयार पारिएको उनले बताए । उनका अनुसार संस्थानले हिजो नै महाप्रसादको प्याकेट ट्रष्टलाई हस्तान्तरण गरेको थियो ।
