काठमाडौं । क्रिकेटर सन्दीप लामिछानेलाई बलात्कार अभियोग लगाउने नुवाकोट तादीको भनिएकी किशोरी गौशाला २६ (परिवर्तित नाम) को पहिचान सार्वजनिक गर्ने एकजनालाई प्रहरीले पक्राउ गरेको छ । किशोरीको तस्वीर, नाम, थर सार्वजनिक गर्ने सङ्खुवासभाका केशरमान राईलाई प्रहरीले पक्राउ गरेको हो ।
३२ वर्षीय केशरमानलाई सङ्खुवासभाबाट पक्राउ गरेर काठमाडौं ल्याइएको प्रहरीले जानकारी दिएको छ । उनीविरुद्ध जिल्ला अदालत काठमाडौंबाट ७ दिनको म्याद लिएर अनुसन्धान भइरहेको बताइएको छ । अन्यको पनि खोजी भइरहेको प्रहरीले बताएको छ ।
प्रकाशित मिति : २०८० माघ ४ गते बिहिवार
