काठमाडौं। नेपाली बजारमा सुनको भाउ फेरि बढ्न थालेको छ । हिजो मंगलबार १ लाख २० हजार नाघेको सुनको मूल्य आज बुधबार झनै बढेको छ । कारोबार साताको दोश्रो दिन सोमबार स्थिर रहेको सुनको मूल्य कारोबार साताको तेश्रो दिन मंगलबार तोलामा ६०० बढ्यो । चौथो दिन बुधबार केही बढेर १ लाख २० हजार नाघेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख २० हजार ७०० रुपैयाँमा कारोबार भइरहेको छ । यस्तै तेजावी सुन तोलामा १ लाख २० हजार १०० रुपयाँमा कारोबार भइरहेको छ। आज चाँदीको मूल्य भने स्थिर छ। चाँदीको मूल्य प्रतितोला १ हजार ४७५ रुपैयाँमा कारोबार भइरहेको छ।
प्रकाशित मिति : २०८० पुष ११ गते बुधवार
