काठमाडौं । भारतमा गत वर्ष ब्युटी पार्लरमा कपाल धोइरहेकी एक महिला गम्भीर बिरामी परिन् । महिलालाई रिंगटा लाग्ने, वाकवाकी लाग्ने, वान्ता हुने र हिँड्न समेत समस्या हुन थाल्यो । पछि डाक्टरहरूले उनी ब्यूटी पार्लर स्ट्रोक सिन्ड्रोमबाट पीडित भएको बताए । सुन्दर कपालको मोहका कारण महिला यस सिन्ड्रोमको सिकार भएकी हुन् । ब्यूटी पार्लर वा सैलुनमा गएर कपाल धुनुअघि केही कुरामा ध्यान दिनुभएन भने तपाई पनि यो स्ट्रोक सिन्ड्रोमको सिकार बन्न सक्नुहुन्छ ।
ब्यूटी पार्लरमा तपाईको सानो गल्तीले तपाईलाई यो सिन्ड्रोमको सिकार बनाउन सक्छ । तर, यो सिन्ड्रोमको बारेमा धेरै कम मानिसलाई जानकारी छ । यदि तपाईं पनि त्यस्ता व्यक्तिहरू मध्ये एक हुनुहुन्छ जसले यस सिन्ड्रोमको नाम पहिले कहिल्यै सुन्नुभएको छैन्, हामी ब्यूटी पार्लर स्ट्रोक सिन्ड्रोम के हो र कस्ता लक्षणहरू देख्न सकिन्छ भनेर जानकारी दिन गइरहेका छौँ ।
ब्यूटी पार्लरमा स्याम्पु वा कपाल धुनका लागि तपाईंको घाँटी सिङ्कमा राखिन्छ । यस अवधिमा घाँटीमा तनाव हुन्छ । घाँटीलाई सिङ्कमा राख्दा धेरै तानिन्छ वा कमजोर सपोर्टको कारणले घाँटीको नसा संकुचित हुन सक्छ । दबाबका कारण, मस्तिष्कमा रगत पुग्न कठिनाई हुन्छ र यसले स्ट्रोक हुन सक्छ । घाँटीको नसामा हुने दबाबका कारण रक्तसञ्चार अवरुद्ध हुन्छ र मस्तिष्कमा रगत राम्ररी पुग्न सक्दैन । रगत राम्ररी नपुग्दा पनि रगत जम्न सक्छ । जसकारण स्ट्रोक हुन सक्छ, जसलाई ब्यूटी पार्लर स्ट्रोक सिन्ड्रोम भनिन्छ ।
ब्यूटी पार्लर स्ट्रोक सिन्ड्रोमका लक्षणहरू के हुन् ?
कपाल धुने क्रममा टाउको दुख्न थाल्छ । अचानक रिंगटा लाग्नु, दृष्टिमाथि समस्या देखिन थाल्छ । यसबाहेक शरीरको कुनै पनि अंग कुनै प्रतिकृया दिन छोड्छ । देख्न गाह्रो हुन्छ । मस्तिष्कमा अक्सिजनको कमीका कारण अचानक कमजोरी महसुस हुन थाल्छ । धमिलो देखिन्छ । यस्तो अवस्थामा ढिलो नगरी तुरुन्तै अस्पताल पुग्नु जरुरी छ । ब्यूटी पार्लर स्ट्रोक सिन्ड्रोमको जोखिम हृदय रोग, मधुमेह, उच्च रक्तचापबाट पीडित वा स्ट्रोक भएको व्यक्तिहरूमा बढी हुन्छ । यद्यपि, स्वस्थ मानिसहरू पनि यस सिन्ड्रोमको जोखिममा रहन्छन् ।
कसरी बच्ने ?
ब्यूटी पार्लर स्ट्रोक सिन्ड्रोमको जोखिम छ, तर यसको अर्थ यो होइन कि तपाईंले पार्लर जान छोड्नुपर्छ । थोरै सावधानी अपनाएमा यो सिन्ड्रोमबाट बच्न सकिन्छ । यसका लागि पार्लरमा कपाल धुँदा केही कुरामा ध्यान दिनु पर्छ । उदाहरणका लागि, पार्लरमा कपाल धुने क्रममा सिङ्कबाट आफ्नो घाँटी झुण्ड्याउँदा, यसको तल राम्रो सपोर्ट राख्नुहोस् । यदि घाँटी मुनि उचित सपोर्ट भएन् भने, घाँटीको नसामा तनाव हुन सक्छ, जसले स्ट्रोक निम्त्याउन सक्छ । जब तपाईं आफ्नो घाँटी सिङ्कको किनारमा थिचिएको महसुस गर्नुहुन्छ, तुरुन्तै काम रोक्नुहोस् र ढिलाइ नगरी स्थिति परिवर्तन गर्नुहोस् । पार्लरमा कपाल धुँदा रिंगटा लाग्छ वा टाउको दुखेको छ भने तुरुन्तै सिधा सुत्नुहोस् । कुनै ढिलाइ नगरी तुरुन्तै डाक्टरलाई सम्पर्क गर्नुहोस् ।
