काठमाडौं । नेकपा एमालेले केन्द्रीय कमिटीको बैठक बोलाएको छ । आज ललितपुरको च्यासलस्थित पार्टी केन्द्रीय केन्द्रीय कार्यालयमा बैठक बस्न लागेको हो । प्रमुख प्रतिपक्षी दल एमालेले मंसिर १४ गतेदेखि सुरु गर्न लागेको मध्यपहाडी क्षेत्रको केन्द्रित अभियानका विषयमा छलफल गर्नेछ । मंसिर १४ गतेदेखि झुलाघाटदेखि चिवाभञ्ज्याङसम्म एमालेले समृद्धिका लागि सङ्कल्प यात्रा’ अभियान चलाउन लागेको छ । सामाजिक सद्भाव र राष्ट्रिय एकताको प्रवर्द्धनका लागि भन्दै एमालेले मध्यपहाडी लोकमार्ग केन्द्रित अभियान सुरु गर्न लागेको हो । आजको बैठकमा समसामयिक राजनीतिक घटनाक्रमबारे पनि चर्चा गरिने नेताहरुले जानकारी दिएका छन ।
प्रकाशित मिति : २०८० मङ्सिर ६ गते बुधवार
