काठमाडौं । आईसीसी टी–२० विश्वकप एसिया क्षेत्र छनोटको फाइनल खेलमा ओमानसँग खेलिरहेको नेपालको एकपछि अर्को गर्दै चार विकेट ढलेको छ । राम्रो स्कोर जोड्न नपाउँदै नेपाली ब्याट्सम्यान एकपछि अर्को गर्दै ढलेका छन् ।’
बिलाल खानले २.४ ओभरमा आसिफ शेख आउट गरेका थिए । ६ बलमा मात्र ६ रन जोड्दै आसिफ आउट भए । त्यसपछि केही समयमा नै सन्दीप जोरा र कुशल भुर्तेल आउट भए । सन्दीपलाई जीशान मकसूदले आउट गरे । लगत्तै आकिब इलियासले नेपालका विस्फोटक ब्याट्सम्यान कुशल भुर्तेल आउट गरे । भुर्तेलले २२ बलमा देशका लागि ३१ रनको योगदान दिएका थिए । त्यसपछि कुशल मल्ल आउट भए ।
अहिले गुल्सन झा र कप्तान रोहित पौडेल क्रिजमा छन् । नेपालले यो समाचार तयार पार्दा १०.३ ओभरको खेलमा चार विकेट गुमाउँदै ६१ रन जोडेको छ । ’
प्रकाशित मिति : २०८० कार्तिक १९ गते आइतवार
