पोखरा । भीरबाट लडेर गम्भीर घाइते बनेका अभिनेता प्रकाश घिमिरेको स्वास्थ्यमा सुधार आएको छ । अचेत बनेका कलाकार घिमिरेको होस खुलेको छ । बोल्न थालेका छन् । शुक्रबार बिहान घाँस काट्ने क्रममा पोखराको नदीपुरको भीरबाट लडेर उनी गम्भीर घाइते भएका थिए ।
आइसियूमा उपचाररत घिमिरे शनिबार बिहानबाट बोल्न थालेको उनका साथी प्रेम पुनले जानकारी दिए । कलाकार घिमिरेको टाउको र शरीरमा चोट लागेको छ ।
उनलाई थप उपचारका लागि काठमाडौं लैजाने तयारी गरिएकोमा चिकित्सकले तत्काल लैजान नपर्ने बताएपछि मणिपाल शिक्षण अस्पतालमै उपचार भइरहेको छ । अस्पतालका चिकित्सकहरूलेपनि उनको अवस्था शुक्रबार भन्दा सुधारिएको बताएका छन् । अस्पताल प्रशासनले समेत उनको उपचार यही गर्न सकिने र सुधार हुँदै आएको बताएको छ ।
प्रकाशित मिति : २०८० कार्तिक ११ गते शनिवार
