काठमाडौं । मलेसियामा जारी एसीसी यू–१९ प्रिमियर कपको फाइनलमा नेपाल र यूएई भिडिरहेका छन् । नेपालका कप्तान देव खनालले उत्कृष्ट ब्याटिङ गर्दै शतक पूरा गरेका छन् । उनले ९० बलमा १०० रन ल्याउँदै शतकको यात्रा पूरा गरे । यो समाचार लेख्दासम्म नेपालले ३४.४ ओभरमा तीन विकेट गुमाउँदै १८२ रन बनाएको छ ।
नेपालका लागि अर्का ओपनर अर्जुन कुमाललेपनि अर्धशतकको योगदान दिए । उनीहरूबीच शतकीय साझेदारीपछि अर्जुन आउट भए । खराब सुरुवात गर्दै दुई विकेट छिट्टै गुमाएको नेपाललाई देव र अर्जुनले सम्हालेका थिए ।
टस जितेर पहिले ब्याटिङ रोजेको नेपालले १४ रनमै दुई विकेट गुमाएको थियो । ओपनर दीपक बोहरा ५ रन र आकाश त्रिपाठी शून्यमा आउट भए । त्यसपछि देव र अर्जुनको साझेदारीले नेपाललाई बलियो स्थितिमा पुर्याएको थियो । अर्जुनपनि आउट भएपछि अहिले उत्तम थापा मगर र देव खनाल क्रिजमा छन् ।
प्रकाशित मिति : २०८० कार्तिक ७ गते मङ्गलवार
