काठमाडौं । त्रिदेशीय टी–२० क्रिकेट शृंखलाअन्तर्गत यूएईविरुद्धको खेलमा नेपालले जवाफी ब्याटिङ सुरु गरेको छ । खेलको सुरुमा नै नेपाललाई ठूलो झट्का लागेको छ । नेपालले एकपछि अर्को गर्दै मात्र ११ रन बनाउँदा तीन विकेट गुमाएको छ ।
नेपालका विस्फोटक ब्याट्सम्यान कुशल भुर्तेल एक रनमा नै आउट भएका छन् । लगत्तै सोमपाल कामीपनि आउट भए । कुशल मल्ल रन आउट हुँदै सुसाइड विकेट दिए । त्यसपछि आएका कप्तान रोहत पौडेलले आसिफ शेखको साझेदारीमा अवस्थालाई सुर्धान थालेका छन् ।
ओपनर आसिफ शेख १७ बलमा १३ रन बनाउँदै नट आउट छन् । चौथो विकेटका लागि आएका कप्तान रोहित पौडेल ६ बलमा ४ रन लगाएर साझेदारी गरिरहेका छन् । यसअघि कुशल भुर्तेल १ रन जोडेर २ बलमा आउट भए । ४ बल खेल्दा २ रन जोडेका सोमपाल कामी सस्तैमा समेटिए । कुनै रन नजोड्दै २ बलमा कुशल मल्ल सुसाइड विकेटको रुपमा रन आउट भए । यूएईले नेपाललाई १६५ रनको लक्ष्य दिएको छ ।
