काठमाडौं । त्रिदेशीय टी–२० क्रिकेट शृंखलाअन्तर्गत यूएईविरुद्धको खेलमा नेपालले टस जितेर पहिले फिल्डिङ रोजेको छ । बलिङ सुरु गरेको नेपालका सोमपाल कामीले पहिलो ओभरमा नै यूएईको पहिलो विकेट लिएका छन् ।
उनले यूएईका ओपनर खालिद साहको विकेट लिए । यूएईका खालिद साह अत्यन्तै विस्फोटक ब्याट्सम्यान थिए । ५ बल खेल्दा लगातार तीन चौका हानेका खालिदलाई पाँचौं बलमा सोमपालले घर पठाइदिए ।
नेपाली टीमका कप्तान रोहित पौडेलले टस जितेर पहिले फिल्डिङको निर्णय गरेका हुन् । यसअघिका ३ वटै खेल जितेको नेपाल फाइनलमा पुगिसकेको छ । यूएईले भने एक खेलमा जीत र एक खेलमा हार व्यहोरेको छ ।
हङकङले भने एक खेल पनि जित्न सकेको छैन । टी–२० विश्वकप छनोटको तयारी स्वरूप नेपालले घरेलु मैदानमा शृंखला खेलिरहेको हो । विश्वकप छनोट एक सातापछि काठमाडौंमै सुरू हुँदैछ ।
प्रकाशित मिति : २०८० कार्तिक ६ गते सोमवार
