३० असोज, काठमाडौं । फिफा विश्वकप छनोट प्रारम्भिक चरणको दोस्रो लेगमा नेपालले लाओसलाई हराएको छ । नेपालले लाओसलाई घरेलु मैदानमा शून्य गोलमा रोक्दै एक गोलले जित हासिल गरेको हो ।
लाओसको न्यु लाओस इन्टरनेशनल स्टेडियममा भएको खेलमा ५३ औं मिनेटमा मनिष डाँगीले गोल गर्दै नेपाललाई अग्रता दिलाएका थिए ।
अन्तिम समयमा नेपालले गोल खाने अवस्थालाई नेपालका गोलकिपर एवं कप्तान किरणकुमार लिम्बुले बचाएर देशलाई हारबाट बचाए । योसँगै नेपाल दोस्रो चरणमा पुगेको छ । नेपालका लागि यो निक्कै ठूलो जित हो ।
प्रकाशित मिति : २०८० असोज ३० गते मङ्गलवार
