काठमाडौं । नेपाली बजारमा निरन्तर सुनको भाउ घट्नेक्रम जारी छ । तोलामा १३ सय रुपैयाँ घट्दै आज छापावाला सुनको मूल्य प्रतितोला १ लाख ६ हजार ६०० रुपैयाँ कायम भएको नेपाली सुनचाँदी व्यवसायी महासंघले जनाएको छ । हिजो १ सय रुपैयाँले घटेको थियो । छ दिनमा नै ५६ सयले सुन घटेको छ ।
त्यस्तै तेजाबी सुनको मूल्य प्रतितोला १ लाख ६ हजार १०० रुपैयाँमा कारोबार भइरहेको छ । हिजो छापावाला सुनको मूल्य १ लाख ७ हजार ९०० रुपैयाँ र तेजाबी सुनको मूल्य १ लाख ७ हजार ४०० रुपैयाँ थियो ।
यता, चाँदी पनि ३० रुपैयाँले घटेको छ । आज चाँदी प्रतितोला १३ सय १० रुपैयाँमा कारोबार भएको छ । अघिल्लो दिन चाँदी प्रतितोला १३ सय ४० रुपैयाँमा कारोबार भएको थियो ।
प्रकाशित मिति : २०८० असोज १६ गते मङ्गलवार
