काठमाडौं । मान्छेको भाग्य कहिले चम्किन्छ ? कसैले भन्न सक्दैन । एकजना ड्राइभरलाई नै हेर्नुस् न । चिकेन कबाब किन्न गएका उनी १६ करोड रुपैयाँको मालिक भएर घर फर्किएका छन् ।
करोडपति बनेसँगै उनमा खुसीको सीमा छैन । सो रकम राम्रोसँग उपयोग गरेर आफ्नो र परिवारको जीवनस्तर सुधार्ने योजना छ उनको । यो घटनामा बेलायतको लिचेस्टर सिटीमा भएको हो । मिरर युकेमा प्रकाशित भएको समाचार अनुसार ५१ वर्षका स्टिभ गुडविन हालै यात्राका क्रममा कबाब किन्नका लागि एउटा कबाब पसल बाहिर रोकिएका थिए । उनले अर्डर गरेको कबाब तयार हुन केही समय लाग्यो । त्यो मौका छोपेर उनी नजिकै रहेको एउटा पसलबाट नेसनल लट्रीको एउटा टिकट खरीद गरे । त्यहीँ टिकटबाट उनले १ मिलियन पाउण्ड ९नेपाली रुपैयाँमा हिसाब गर्दा १६ करोड० भन्दा धेरै रकम जिते ।
एकाएक करोडपति बनेसँगै उनको आँखामा आँशु आए । उनले भनेका छन् स् कबाबको अर्डर दिएर कबाब पसल बाहिर उभिइरहेको थिएँ । त्यही बेला दिमागमा सोँच आयो र नजिकैको पसलबाट लट्री टिकट खरीद गरेँ, जसले मेरो भाग्य नै बदलिदियो ।’
सो रकमबाट सुरुमा एउटा घर किन्ने र त्यसपछि आफ्नी पत्नीलाई विदेश घुम्न लैजाने उनको योजना छ । स्टिभका अनुसार उनले खरीद गरेको लट्रीको टिकट नम्बर ७३ थियो । सोही टिकटबाट १० लाख पाउण्ड जित्छु भन्ने उनलाई कुनै कल्पनासम्म पनि थिएन । तर जब उनलाई लट्री अफिसबाट कर्मचारीहरुले फोन गरेर चिठ्ठा जितेको जानकारी दिए उनी दंग परे । यसरी उनी एक झट्कामै १६करोड रुपैयाँ भन्दा बढिको मालिक बने । त्यसपछि आँखामा आँशु भरेर बस चलाउँदै उनी घर फर्किए ।
घर गएर अघि खरीद गरेको कबाब निकालेर खान थाले । तर खुसीले कबाब खान पनि सकेनन् । आखिर कबाबले नै उनलाई करोडपति बनाइदिएको उनलाई लाग्यो । रातभर सो टिकटलाई सिरानीमुनि राखेर सुते तर निद्रा परेन । आफूले चिठ्ठा जितेको कुरा उनले सबैभन्दा पहिले आमालाई फोन गरेर जानकारी दिएका थिए । तर सुरुमा त परिवारका कसैले पनि उनको कुरा पत्याएनन् । तर अन्ततः त्यो यथार्थ पत्याउनुको विकल्प पनि त थिएन ।
करोडपति बनेपनि स्टिभले पूरानो पेशा छाडेका छैनन् । उनले अहिलेपनि आफ्नो बस चालकको पेशालाई निरन्तरता दिएका छन् । एजेन्सी
