आज मिती २०८१ साल पुस महिनाको ५ गते शुक्रबार तदनुसार डिसेम्बर महीनाको २० तारीख सन् २०२४, पुष कृष्ण पक्षको पञ्चमी तिथी, आज बिहान ६ बजेर ५० मिनेटमा काठमाण्डौ उपत्यकामा झुल्कीएको घाम साँझ ५ बजेर १३ मिनेटमा अस्ताउने छ ।
मेष राशी: दीर्घकालसम्म लाभ हुने काममा हात हाल्ने समय रहेको छ । तथापि, नयाँ कामको प्रस्ताव आए पनि हिम्मत गर्न नसक्दा केही पछि परिने सम्भावना पनि उत्तिकै छ । तार्किक क्षमताले मानसम्मान दिलाउनुका साथै कर्मबल र दायित्व बढ्ने योग रहेको छ ।
बृष राशि: सोचेको काम सफलता पूर्वक सम्पन्न हुने समय भएपनि आजको दिन नजिकका साथीभाइ टाढिन सक्ने समय रहेको छ । अरूको फाइदाका लागि उपयोग भइनेछ भने आफ्ना लागि परिस्थिति प्रतिकूल रहने देखिन्छ । प्रतिस्पर्धामा केही कमजोर भएपनि बौद्धिक र रचनात्मक काममा सफलता मिल्नेछ ।
मीथुन राशि: बाध्यतामा अलमलिनुपर्दा चिताएको काम रोकिन सक्छ, तर आजको दिन नसोचेको ठाउँबाट धनलाभ हुने देखिन्छ । काम बिग्रने डरले चाहिँ सताइरहन सक्छ । महत्वाकांक्षी योजना गोप्य राख्नुहोला । कसैलाई जथाभावी वचन दिने कार्य नगर्नु तपाईको लागि हितकर हुनेछ ।
कर्कट राशि: आजको दिन निकै रमाइलैसँग बित्नेछ । प्रतिष्ठित काम सम्पादन गर्दै लोकप्रियता हासिल गर्न सकिनेछ। शुभचिन्तकहरूको सहयोग जुट्नाले मनग्य फाइदा हुनेछ। आध्यात्मिक चेतनाले धर्मकर्म र सेवामूलक काममा प्रवृत्त गराउनेछ। तपाईंको कामले अरूको मन लोभ्याउँदै दाम, इनाम र प्रतिष्ठा कमाउने योग रहेको छ ।
सिंह राशि: आजको दिन पारिवारिक भेटघाटको समय छ । विशेष व्यक्तित्वलाई भेट्ने मौका आउला । ठूलै फाइदाको आश्वासन पनि मिल्न सक्छ र, विशेष योजनाहरू बन्नेछन् । टाढिएका साथीभाइ नजिकिनाले हर्ष बढ्नेछ । कामको राम्रै मूल्यांकन भए पनि प्रतिफल हातपार्न केही समय भने लाग्नेछ।
कन्या राशि: भाग्यले सोचेभन्दा बढी नै फाइदा दिलाउन सक्छ । चुनौतीहरू स्वतः हट्नेछन् भने कर्मयोग र आम्दानीले पछ्याउनेछन् । राम्रो कर्मफल प्राप्त हुनाले मन प्रसन्न रहनेछ । सामाजिक क्षेत्रमा नेतृत्व हातलागी हुने योग छ । बलभन्दा बुद्धिको उपयोग गर्न सक्दा तपाईको लागि फाइदा हुनेछ ।
तुला राशी: पारिवारिक जमघटमा मन रमाउनेछ । प्रतिस्पर्धी परास्त होलान् । सहयोगीहरूले राम्रै साथ दिनेछन् र काममा सोचेजस्तै लाभ मिल्नेछ । तर, आजको लाभांश सुरक्षित वा सञ्चय नहुन सक्छ, सावधान रहनुहोला । विलासी काममा आकर्षण बढ्नेछ । स्वास्थ्य कमजोर हुनाले काम सम्पन्न गर्न समय लाग्नेछ।
बृश्चिक राशि: आजको दिन प्रतिष्ठित काम गर्ने अवसर प्राप्त होला । काममा लगानीको समय छ । अवसरको खोजीमा केही दौडधुप गर्नुपर्ला, तर त्यसले धनलाभ गराउने सम्भावना छ । उत्साह बढ्नेछ तर असंयम व्यवहारले सम्बन्ध बिगार्न सक्छ, सजग रहनुहोला । उपलब्धिविहीन काम गर्नुपरे पनि चुनौतीभित्र अवसर खोज्ने समय रहेको छ।
धनु राशि: काममा विशिष्ट व्यक्तित्वको सहयोग प्राप्त हुनुका साथै मेहनतले प्रशस्त लाभ उठाउन सकिनेछ । व्यापारमा पनि राम्रै फाइदा होला । सहयोगीहरूबाट अलिक धोका पाइने योग रहेकोले सचेत रहनुहोला । आज खर्चको मात्रा बढ्ने देखिन्छ, फजुल खर्चबाट जोगिने प्रयास गर्नुहोला ।
मकर राशि: लाभ हुने काम प्रारम्भ गर्ने समय छ र गरिएका कामको मूल्यांकन पनि राम्रै हुनेछ । तर, स्वास्थ्यप्रति चाहिँ आजको दिन विशेष ख्याल राख्नु हितकर हुनेछ । साझेदारीको व्यवसायमा फाइदा हुनेछ । बौद्धिक र रचनात्मक काममा सफलता मिल्नेछ । परिस्थितिवश विवादास्पद काममा अलमलिनु पर्ने योग रहेको छ ।
कुम्भ राशि: रोकिएका काम बिस्तारै बन्नेछन् भने नयाँ काम समेत पाइने समय छ । विभिन्न अवसरले पछ्याउनेछन् । बोलीको प्रभाव एवं कार्यसम्पादन गर्ने क्षमता बढ्नेछ । अध्ययनमा मन नलागे पनि आत्मविश्वास बढ्नेछ । अनावश्यक विवादमा परिने समय रहेकोले सचेतनाको आवश्यकता छ ।
र, मिन राशि: फाइदाका पछि लाग्दा साथीभाइ टाढिन सक्छन्, होसियारीसाथ काम लिनुपर्ने समय छ । विवेक पुऱ्याउँदा सानो प्रयत्नले पनि राम्रो फाइदा उठाउन सकिनेछ । व्यावसायिक काममा मनग्य फाइदा हुनुका साथै लगनशीलताले अध्ययनमा प्रगति देखिनुका साथै अनुभवलाई निखार्ने अवसर प्राप्त हुनेछ।
