राष्ट्रिय स्वतन्त्र पार्टी (रास्वपा) का सभापति रवि लामिछानेको काठमाडौंको सरकारी वकिल कार्यालयमा बयान जारी छ ।
सोमबार मध्याह्न १२ बजेदेखि लामिछानेको बयान सुरू भएको हो। उनलाई काठमाडौंमा तीन दिनदेखि बयान लिइँदै आएको छ।
स्वर्णलक्ष्मी सहकारीको बचत रकम अपचलनमा जिल्ला न्यायाधिवक्ता खडिन्द्रराज कटुवाल र जिल्ला प्रहरी परिसर काठमाडौंका डिएसपी हरि खतिवडाले उनको बयान लिइरहेका हुन्।
लामिछानेको बयान सकेर कास्की लग्ने तयारी छ। उनीमाथि सहकारी बचत अपचलन, संगठित अपराध र सम्पत्ति शुद्धीकरणको कसुर छ।
त्यहाँबाट जिल्ला प्रहरी कार्यालय चितवन लग्ने तयारी छ। पूर्व डिआइजी छविलाल जोशी, कुमार रम्तेलको बयान काठमाडौंमा भइसकेको छ।
प्रकाशित मिति : २०८१ मङ्सिर १७ गते सोमवार
