काठमाडौं । प्रहरीले ७१ किलो ७ सय ग्राम लागुऔषध गाँजासहित २ जनालाई पक्राउ गरेको छ ।
सोमबार राति १२ः३० बजे हेटौंडा-१९, तीनताप्केस्थित पूर्वपश्चिम लोकमार्ग सडकखण्डमा गाँजासहित उनीहरु पक्राउ परेका हुन् । पक्राउ पर्नेमा मकवानपुरको राक्सिराङ गाउँपालिका-९ बस्ने वर्ष २० का मिलन घलान र सोही गाडीमा सवार राक्सिराङ गाउँपालिका-९ बस्ने वर्ष २६ को दावा थिङ रहेको जिल्ला प्रहरी कार्यालय मकवानपुरले जनाएको छ ।
पिकअप गाडीको चालक बस्ने सिट मुनि प्लाष्टिकमा प्याक गरेर गाँजा लुकाएर ल्याएको थियो । १३ वटा प्लाष्टिकमा प्याक गरेर गाँजा ल्याएको थियो । घलान र थिङलाई नियन्त्रणमा लिई थप अनुसन्धान कार्य गरिरहेको छ ।
प्रकाशित मिति : २०८१ मङ्सिर ११ गते मङ्गलवार
