काठमाडौं । निर्वाचन आयोगले मंसिर १६ गते हुने स्थानीय तह उपनिर्वाचनका लागि मतपत्र छपाईको काम अन्तिम चरणमा पुगेको जनाएको छ।
छापिएका मतपत्र उपनिर्वाचन हुने अधिकांश स्थानीय तहमा पठाइसकिएको र बाँकी ठाउँमा केही दिनमा पठाइने आयोगका सहप्रवक्त्ता दुर्गा प्रसाद चालिसेले थाहाखबरलाई जानकारी दिएका छन्।
मतपत्र छपाइको काम शनिवार अबेरसम्म सकिने बताएको आयोगले आइतवारसम्मको समयसिमा थपेको छ। छपाई भएका मतपत्र काठमाडौँ र नुवाकोटबाहेक अन्य जिल्लामा पठाइसकेको सहप्रवक्त्ता चालिसेले सुनाए।
निर्वाचनका लागि पर्सीसम्म देशका विभिन्न स्थानमा मतपत्र पठाइसक्ने उनले बताए। नजिकका स्थानहरूमा भोलिसम्म पुरर्याइसक्ने र टाढाका हुम्ला, डोल्पा र ताप्लेजुङमा भने सोमवारसम्ममा पठाउने आयोगको तयारी छ।
प्रकाशित मिति : २०८१ मङ्सिर ९ गते आइतवार
