काठमाडौं । इन्डियन प्रिमियर लिग (आईपीएल)को आगामी तीन संस्करणका मिति सार्वजनिक भएको छ ।
आयोजकले बिहीबार आईपीएल २०२५, २०२६ र २०२७ संस्करणको मिति सार्वजनिक गरेको भारतीय सञ्चारमाध्यमहरूले जनाएका छन् ।
तालिकाअनुसार, आईपीएलको आगामी संस्करण मार्च १४ देखि सुरु हुने छ । जसको फाइनल खेल मे २५ मा हुने छ । यस्तै, २०२६ को संस्करण मार्च १५ देखि मे ३१ सम्म सञ्चालन हुने छ । सन् २०२७ को संस्करण पनि मार्च १४ देखि मे ३० सम्म सञ्चालन हुने छ ।
सन् २०२५ को संस्करणमा कुल ७४ खेल हुने छन् । यसअघि गएको संस्करणमा पनि ७४ खेल नै भएका थिए । तर, सन् २०२२ को संस्करणमा कुल ८४ खेल भएका थिए ।
सन् २००८ देखि सुरु भएको आईपीएलले हालसम्म सात फरक विजेता पाइसकेको छ । प्रतियोगितामा हालसम्म चेन्नाई सुपर किंग्स र मुम्बई इन्डियन्सले समान पाँचपटक उपाधि जितेका छन् ।
प्रकाशित मिति : २०८१ मङ्सिर ७ गते शुक्रवार
