काठमाडौँ । लोकप्रिय गायक तथा संगीतकार सुरज पण्डित र गायिका उसा गजुरेलको आवाजमा “हजुरकै मायाले” बोलको गीत सार्वजनिक भएको छ ।
सुरज पण्डित र प्रतिमा अधिकारीको शब्द र संगीत रहेको यस गीतमा, उसा गजुरेल र सुरज पण्डितको समर्पित आवाजले गीतलाई थप मिठासपूर्ण बनाएको छ । यस गीतको यारेन्ज उदयराज पौडेलले गरेका छन्, भने भिडियो निर्देशन नारायण मगरको रहेको छ ।
यो गीतलाई पनि सबै दर्शक तथा स्रोताले मन पराउने गायक सुरज पण्डितको भनाई छ । गीत सोचे भन्दा धेरै राम्रो भएको र गीतले राम्रो प्रतिकृया पाउनेमा आफु सहित निर्माण टिम नै आशाबादी रहेको सम्राट दाहालले बताएका छन् । रेलको बाटोबाट चर्चा बटुलेका गायक पण्डित संगीत क्षेत्रमा अब्बल ब्यतित्व हुन् ।
गीत उसा गजुरेलको युटुव च्यानलबाट सार्वजनिक भएको छ ।
प्रकाशित मिति : २०८१ मङ्सिर ३ गते सोमवार
