काठमाडौं । त्रिभुवन राजपथ सडक अन्तर्गत मकवानपुरको भीमफेदी गाउँपालिका ९ स्थित महाभीर खोल्सामा ट्रक दुर्घटना हुँदा तीन जना घाइते भएका छन् ।
झापाबाट काठमाडौँतर्फ बाँस लिएर जाँदै गरेको प्रदेश १-००२-०१ ख ९७०७ नं.को ट्रक सोमबार बिहान आफैँ अनियन्त्रित भई सडकबाट करिब २० मिटर तल खोल्सामा खसेपछि दुर्घटना भएको बागमती प्रदेश प्रहरी कार्यालय, हेटौँडाले जनाएको छ ।
ट्रकमा चालकसहित तीन जना सवार रहेकोमा झापा दमक नगरपालिका ९ बस्ने वर्ष १४ का जनक नेपाल बायाँ हात खुटामा चोट लागेकोले उपचारको लागि काठमाडौँ ल्याइएको छ ।
प्रकाशित मिति : २०८१ मङ्सिर ३ गते सोमवार
