२९ कार्तिक, काठमाडौँ । परराष्ट्रमन्त्री डा. आरजु राणा मंसिरको दोस्रो साता चीन भ्रमणमा जाँदैछिन् ।
प्रधानमन्त्री केपी शर्मा ओली मंसिर १७ देखि २१ गतेसम्म चीनको राजकीय भ्रमणमा जाने तयारीका लागि मन्त्री राणा चीन भ्रमणमा जान लागेकी हुन् । उनको भ्रमणका लागि मन्त्रालयले तयारी गरिरहेको छ ।
चीनका विदेशमन्त्री वाङ यीको निमन्त्रणामा उनको चीन भ्रमण हुन लागेको जनाइएको छ । यही नोभेम्बरको अन्तिम साता उनले चीन भ्रमण गर्ने गरी तयारी शुरु गरिएको परराष्ट्रमन्त्री राणाका प्रेस सल्लाहकार एकराज पाठकले बताए ।
प्रकाशित मिति : २०८१ कार्तिक २९ गते बिहिवार
