चितवन । नारायणगढ मुग्लिन सडकखण्ड अन्तर्गत ९ किलोमा सडक भासिएपछि ठूला सवारी सञ्चालनमा रोक लगाइएको छ । बिहान ५ बजेदेखि सवारी सञ्चालन गर्न दिने भनिएपनी सडक दबेका कारण रोक लगाइएको हो । सडक दबेको कारण ठूला सवारीसाधन आवागमन पूर्णरूपमा अवरोध भएको सडक डिभिजन कार्यलयले जनाएको छ ।
अहिले दुई पाङ्ग्रे र हलुका सवारी मात्र सञ्चालन भइरहेका छन् । दबेको ठाउँमा ग्रावेल फिलिङ गरी मर्मतको कार्य डिभिजन कार्यलयबाट भइरहेको छ । यस सडक खण्डमा आवश्यक सावधानीका साथ सजकता अपनाई, लेन अनुशासनको पालना गरी सडक प्रयोग गरिदिनुहुन चितवन प्रहरीले अनुरोध गरेको छ ।
सरकारले रातिको समयमा सवारी सञ्चालनमा रोक लगाएपछि पुर्व र पश्चिमबाट राजधानी जाने सवारी साधनहरुलाइ हिजो साझ ७ बजेदेखि नै नारायणगढ-मुग्लिन सडकखण्ड अन्तर्गत भरतपुर २९ को जुगेडी र आपटरीमा सवारी साधन रोकिएको थियो । यस्तै पोखरा र काठमाडौंबाट आउने सवारी साधनलाई मुग्लिनमा रोकिएको थियो ।
