काठमाडौं । अपराधहरु फिल्मी शैलीमा भइरहेका छन् । फिल्ममा देखाइएका काल्पनिक घटनाभन्दापनि डरलाग्दा भइरहेका छन् । भारतको उत्तर प्रदेशमा एक महिलाको हत्या गरी शव टुक्रा–टुक्रा गरी विभिन्न ठाउँमा फालेको आरोपमा श्रीमान पक्राउ परेका छन् ।
प्रहरीले उक्त घटनामा महिलाको शव काट्न प्रयोग गरिएको इलेक्ट्रोनिक कटर मेसिन समेत बरामद गरेको छ । रानीबजार बस्ने ४५ वर्षीय शंकरदयाल गुप्ताको श्रीमती गुडिया पाण्डे उर्फ नीतु पाण्डे (४१) सँग पैसाको विषयमा पटक–पटक झगडा हुने गरेको प्रहरी उपरीक्षक (एसपी) विकास कुमारले बुधबार जानकारी दिए ।
धारिलो हतियारले घाँटी काटेर हत्या गरेपछि उनले कटर मेसिनले टुक्रा टुक्रा पारेको स्वीकार गरेका छन् । उनका अनुसार साउन ३० गते पैसालाई लिएर श्रीमान्–श्रीमतीबीच अर्को झगडा भएको थियो । जसका कारण आक्रोशित गुप्ताले भदौ १ गते घरमा चक्कु प्रहार गरी नीतुको घाँटी रेटेर हत्या गरेका थिए ।
भदौ ३ गते नीतुको टाउको काटिएको थियो । हात टुक्रा पारेर अयोध्याको सरयू नदीमा फालिदिए । शरीरका बाँकी भाग काट्न बजारबाट फलामको आरा र इलेक्ट्रोनिक कटर मेसिन किनेर ल्याए । शवलाई टुक्रा पारेर दुई बोरामा बाँधेर बलरामपुरको अजब नगर गाउँ नजिकैको झाडीमा फालेको उनले बताए । अगस्ट ६ मा गोन्डा फर्किए र भोलिपल्ट अयोध्याको नयाँ पुलबाट शरीरका अन्य अंगहरू सरयू नदीमा फाले ।
३०० सीसीटीभी फुटेज हेरियो
महिलाको केही भाग फेला परेपछि १५ जिल्लामा दर्ता भएका करिब ५०० बेपत्ता महिलाको खोजी गरिएको र धेरै जिल्लाका करिब ३ सय सीसीटीभी फुटेज हेरिएको कुमारले बताए । उनले अग्रवा चोकमा जडान गरिएको सिसिटिभी क्यामेराको फुटेजमा मोटरसाइकलमा सेतो बोरा बोकेको शंकास्पद अवस्थामा देखिएपछि त्यसैलाई पछ्याएर अनुसन्धान सुरु गरेको बताए ।
अनुसन्धानका क्रममा उक्त मोटरसाइकल मालिकको घरमा ताला लागेको देखियो । घर धेरै दिनदेखि ताला लगाएको र घरभित्रबाट दुर्गन्ध आइरहेको छिमेकीले बताए । कुमारले मोबाइल निगरानी टोलीको सहयोगमा अभियुक्त शंकरदयाल गुप्तालाई पक्राउ गरी हत्यामा प्रयोग भएको ढुङ्गा र महिलाको शव टुक्राटुक्रामा प्रयोग गरिएको इलेक्ट्रोनिक कटर मेसिन, मृतकको मोबाइल, एक फलामको आरा र शरीरलाई टुक्राटुक्रा पारेर फाल्न प्रयोग गरिएको मोटरसाइकल बरामद भएको बताए ।
शवलाई टुक्रा टुक्रा गरी विभिन्न ठाउँमा फालिएको थियो । उनले आफ्नो अपराध लुकाउनका लागि मोबाइलमा बलिउड फिल्म हेरेपछि नीतुको शरीरलाई धेरै टुक्रा पारेर विभिन्न ठाउँमा फालेको बताए । हत्या गरिएका श्रीमानलाई कारबाही गर्न मुद्दा फास्ट ट्र्याक अदालतमा पठाइने एसपीले बताए ।
