काठमाडौं । लगातार दोस्रो दिन मंगलबार पनि सुनको भाउ ओरालो लागेको छ। सुनको भाउ आज तोलामा १०० रुपैयाँले घटेको हो। योसँगै प्रतितोला छापावाल सुन १ लाख ५२ हजार २०० रुपैयाँ कायम भएको छ।
हिजो सोमबार पनि सुनको भाउ तोलामा ३०० रुपैयाँले घटेको थियो। हिजो प्रतितोला छापावाल सुन १ लाख ५२ हजार ३०० रुपैयाँमा किनबेच भएको थियो। गत आइतबार (भदौ २ गते) सुनको प्रतितोला १ लाख ५२ हजार ६०० रुपैयाँ थियो। नेपाली बजारमा सुनको यो भाउ हालसम्मकै उच्च हो।
आज चाँदीको भाउ भने तोलामा १० रुपैयाँले बढेर १ हजार ८२० रुपैयाँ कायम भएको छ। हिजो भाउ स्थिर रहँदै चाँदी १ हजार ८१० रुपैयाँमा कारोबार भएको थियो।
प्रकाशित मिति : २०८१ भाद्र ४ गते मङ्गलवार
