काठमाडौँ । नेपाली बजारमा सुनको मूल्यले नयाँ रेकर्ड बनाएको छ । आइतबार सुन हालसम्मकै उच्च बन्न पुगेको हो ।
आज मात्र सुनको मूल्य तोलामा तीन हजार रुपैयाँले बढेको छ । नेपाल सुनचाँदी ब्यवसायी महासंघका अनुसार यसदिन सुनको मूल्य प्रतितोला एक लाख ५२ हजार ६०० रुपैयाँमा कारोबार भइरहेको छ । गत शुक्रबार सुनको मूल्य एक लाख ४९ हजार ६०० रुपैयाँमा कायम रहेको थियो ।
यता, चाँदीको मूल्यपनि तोलामा ५० रुपैयाँले बढेको छ । चाँदी प्रतितोला एक हजार ८१० रुपैयाँमा कारोबार भइरहेको छ ।
प्रकाशित मिति : २०८१ भाद्र २ गते आइतवार
