काठमाडौं । नेपाली सेनाको कायम मुकायम प्रधानसेनापति अशोकराज सिग्देललाई प्रधानसेनापति बनाउन राष्ट्रपतिसमक्ष सिफारिस गरिएको छ । बिहीबार साँझ बसेको मन्त्रिपरिषद् बैठकले कामु प्रधानसेनापति सिग्देललाई प्रधानसेनापति बनाउन राष्ट्रपतिसमक्ष सिफारिस गर्ने निर्णय गरेको हो ।
सरकारले गत साउन १४ गते सिग्देललाई कामु प्रधानसेनापतिको जिम्मेवारी दिएको थियो। प्रधानसेनापति प्रभुराम शर्मा भदौ २४ मा अवकासमा जाने भएपछि साउन २४ गतेदेखि बिदामा बस्नुभएको छ । त्यसपछि सिग्देललाई कामुको जिम्मेवारी दिइएको छ। सिग्देल नेपाली सेनाको इतिहासमा ४५ औं प्रधानसेनापति हुनुहुनेछ ।
प्रकाशित मिति : २०८१ साउन ३२ गते शुक्रवार
