काठमाडौं । बिहीबार सुनको मूल्य घटेको छ । अघिल्लो दिन ११ सय रुपैयाँले बढेको सुनको मूल्य बिहीबार २ हजार ४०० रुपैयाँले घटेको हो ।
बिहीबार छापावाला सुनको मूल्य प्रतितोला १ लाख ४५ हजार रुपैयाँमा कारोबार भइरहेको छ । अघिल्लो दिन सुन प्रतितोला १ लाख ४७ हजार ४०० रुपैयाँमा कारोबार भएको थियो ।
नेपाल सुन चाँदी व्यवसायी महासंघका अनुसार बिहीबार तेजावी सुनको मूल्य प्रतितोला १ लाख ४४ हजार ३०० रुपैयाँमा कारोबार भइरहेको छ । अघिल्लो दिन सुन १ लाख ४६ हजार ७०० कारोबार भएको थियो ।
यस्तै, बिहीबार चाँदी १ हजार ७५० रुपैयाँमा कारोबार भइरहेको छ । बुधबार चाँदी १ हजार ८०५ रुपैयाँमा कारोबार भएको थियो ।
प्रकाशित मिति : २०८१ साउन १० गते बिहिवार
