काठमाडाैं । आइतबार तोलामा २ हजार ७ सय रुपैयाँ घटेको सुनको मूल्य सोमबार तीन सय रूपैयाँले उकालो लागेको छ । नेपाल सुनचाँदी व्यवसायी महासंघका अनुसार सोमबार सुनको मूल्य एक लाख ४२ हजार तीन सय रूपैयाँमा कारोबार भइरहेको छ ।
आइतबार सुनको मूल्य १ लाख ४२ हजार रुपैयाँमा कारोबार भएको थियो । सोमबारको लागि तेजावी सुन प्रतितोला एक लाख ४१ हजार ६ सय रूपैयाँ कामय गरिएको छ । त्यस्तै चाँदीको भाउ तोलामा ५ रुपैयाँ बढेर एक हजार ८२० रूपैयाँमा कारोबार भइरहेको छ ।
प्रकाशित मिति : २०८१ असार ११ गते सोमवार
