काठमाडौं । टस हारेर ब्याटिङ गरेको भारतले कप्तान रोहित शर्माको ९२ रनको शानदार इनिङ्सको मद्दतले २० ओभरमा पाँच विकेट गुमाएर २०५ रन बनाएको थियो । यो खेलमा भारतले बलियो ब्याटिङ गर्दै अस्ट्रेलियालाई २०६ रनको लक्ष्य दिएको छ ।
यो विश्वकपमा भारतले २०० रन बनाएको यो पहिलो पटक हो । अष्ट्रेलियाले टस जितेर पहिले बलिङ गर्ने निर्णय गरेर जोस हेजलवुडले विराट कोहलीलाई खाता नखोल्दै डकआउट गरेर कप्तानको निर्णय सही साबित गरेका थिए । तर, रोहित आज अर्कै रंगमा देखिए र उनले आँधीबेहरी ब्याटिङ गर्दै कंगारु टोलीका बलरलाई नराम्ररी चुटे । यस अवधिमा रोहितले १९ बलमा आफ्नो अर्धशतक पूरा गरेका थिए ।
प्रकाशित मिति : २०८१ असार ११ गते सोमवार
