९ असार, काठमाडौँ । चिकित्सा शिक्षा आयोगको निर्देशक पदका लागि चार जनाको नाम सिफारिस भएको छ । नाम सिफारिस गर्न गठित समितिले प्रा।डा। गुरुप्रसाद खनाल, प्रा।डा। सुजनबाबु मरहट्टा, प्राडा सुदीप आचार्य र डा। सरला श्रेष्ठको नाम सिफारिस गरेको हो ।
प्रारम्भिक छनोमा परेका १२ जनामध्येबाट खनाल, मरहट्टा, आचार्य र श्रेष्ठलाई नियुक्तिका लागि सिफारिस गरिएको हो । चिकित्सा शिक्षा आयोगमा निर्देशकका ४ पद रिक्त छन् । जसमा मापदण्ड तथा प्रत्यायन निर्देशनालय, समन्वय तथा प्राज्ञिक उन्नयन निर्देशनालय, परीक्षा निर्देशनालय र नेसनल बोर्ड अफ मेडिकल स्पेसियालिटिज गरी ३ वटा निर्देशनालय र एक बोर्डमा निर्देशक नियुक्त हुनेछन् ।
चिकित्सा शिक्षा आयोगका अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ ले ०८० कात्तिक २३ गते राष्ट्रिय योजना आयोगका बरिष्ठ सदस्य डा। रामकुमार फुयालको संयोजकत्वमा ३ सदस्यीय निर्देशक नाम सिफारिस समिति गठन गरेका थिए ।
