काठमाडौं । टी–२० अन्तर्राष्ट्रिय क्रिकेटमा नेपालका लागि सर्वाधिक विकेट लिने बलर सन्दीप लामिछाने हुन् । यी प्रभावशाली लेग–स्पिनरले टी–२० अन्तर्राष्ट्रिय क्रिकेटमा ५१ खेल खेल्दै ९८ विकेट लिइसकेका छन् । उनको उत्कृष्ट प्रदर्शन केवल नौ रन खर्चिएर पाँच विकेट हो ।
सर्वाधिक विकेट लिने बलरको सूचिमा दोस्रो स्थानमा करण केसी रहेका छन् । करणले टी–२० अन्तर्राष्ट्रिय क्रिकेटमा ६९ खेल खेल्दै कुल ९० विकेट लिइसकेका छन् । उनको उत्कृष्ट प्रदर्शन २१ रन खर्चिएर पाँच विकेट हो । यसैगरी टी–२० अन्तर्राष्ट्रिय क्रिकेटमा सर्वाधिक विकेट लिने नेपाली बलरको सूचिमा तेस्रो नम्बरमा अविनाश बोहरा छन् । उनले ६० खेलको ५७ पालीमा ७५ विकेट लिइसकेका छन् । उनको उत्कृष्ट प्रदर्शन भने केवल ११ रन दिएर ६ विकेट हो ।
यो सूचिमा चौथो स्थानमा सोमपाल कामी रहेको छन् । उनले ६६ खेल खेल्दै ५९ विकेट लिएका छन् । उनको उत्कृष्ट प्रदर्शन २० रन खर्चिएर तीन विकेट हो । पाँचौँ नम्बरमा दीपेन्द्रसिंह ऐरी छन् । उनले ३८ विकेट लिएका छन् । उनको उत्कृष्ट प्रदर्शन १८ रन खर्चिएर चार विकेट हो ।
