काठमाडौं । १८ औं ओभरमा हरिस रउफले लगातार दुई बलमा भारतलाई दुई झट्का दिए । उनले ओभरको चौथो बलमा हार्दिक पाण्ड्यालाई इफ्तिखार अहमदको हातमा क्याच आउट गराए। त्यसपछिको बलमा जसप्रित बुमराहलाई इमाद वासिमले क्याच दिए ।
हार्दिकले सात रन बनाउन सके । खेलमा बुमराहले खाता पनि खोल्न सकेनन् । १९ ओभरपछि भारतको स्कोर ९ विकेटमा ११९ रन छ । अहिले सिराज र अर्शदीप क्रिजमा छन् । टी–२० विश्वकप २०२४ को १९ औं खेलमा आज भारतलाई चिर प्रतिद्वन्द्वी पाकिस्तान हराउन मुस्किल देखिन्छ ।
प्रकाशित मिति : २०८१ जेष्ठ २७ गते आइतवार
