२१ जेठ, गुल्मी । गुल्मीमा जीप दुर्घटना हुँदा एक जनाको मृत्यु भएको छ भने सात जना घाइते भएका छन् । मृत्यु हुनेमा सत्यवती गाउँपालिका–८ भार्से की ३२ वर्षीया कमला बुढाथोकी रहेको जिल्ला प्रहरी कार्यालय गुल्मीका प्रहरी नायब उपरीक्षक डिएसपी शंकर पोखरेलले जानकारी दिए ।
सोमबार बिहान कालिगण्डकी गाउँपालिका– ४ ओक्याङस्थित भित्री कच्ची सडकमा चन्द्रकोटबाट पूर्तिघाटतर्फ जाँदै गरेको ग २ च ३२६२ नम्बरको बलेरो डबल क्याप गाडी आफै अनियन्त्रित भई सडकदेखि ४०० मिटर तल खसेको प्रहरीले जनाएको छ । जीपमा आठ सवार रहेका थिए ।
घाइते सातमध्ये चार जनाको अवस्था गम्भीर रहेको डिएसपी पोखरेलले बताए ।
प्रकाशित मिति : २०८१ जेष्ठ २१ गते सोमवार
