२० जेठ , काठमाडौँ । सर्वोच्च अदालतले नेपाली कांग्रेसका तत्कालीन नेता एवं पूर्वमन्त्री गोविन्दराज जोशीविरुद्धको भ्रष्टाचार मुद्दामा १३ साउनमा फैसला सुनाउने भएको छ ।
न्यायाधीशहरु विनोद शर्मा र बालकृष्ण ढकालको इजलासले आइतबार दुवै पक्षको सुनुवाइ सकेर २१ असारसम्म बहस नोट पेश गर्न आदेश दिएको छ । सर्वोच्च अदालतले १ जेठदेखि जोशी विरुद्धको मुद्दाको सुनुवाइ गरिरहेको थियो ।
अख्तियारले १८ पुस, २०६० सालमा पूर्वमन्त्री जोशीविरुद्ध गैरकानूनी सम्पत्ति आर्जन गरेको आरोपमा भ्रष्टाचारमुद्दा दायर गरेको थियो ।
प्रकाशित मिति : २०८१ जेष्ठ २० गते आइतवार
