काठमाडौं । जारी आईपीएलमा चेन्नई सुपर किंग्स र रोयल च्यालेन्जर्स बैंग्लोरले आइतवार डबल हेडरमा जित दर्ता गर्दै प्लेअफको दौडलाई रोमाञ्चक मोडमा पुर्याएका छन्। ६२ खेलपछि अहिलेसम्म एउटा टोली (कोलकाता नाइट राइडर्स) ले मात्र प्लेअफको टिकट पाउन सकेको छ । यस्तो अवस्थामा बाँकी तीन स्थानका लागि सात टोलीबीच भिडन्त भइरहेको छ । १२ मे मा आरसीबीले दिल्ली विरुद्धको खेलमा जित हासिल गरेर आफ्नो प्लेअफ आशा जीवित राख्यो। फ्यानहरू सीएसके र आरसीबी दुवै प्लेअफमा पुग्न सक्छन् कि भनेर जान्न उत्सुक देखिएकाले यहाँ विस्तारमा लेख्दैछौं ।
आरसीबीले अन्तिम खेल जित्नुपर्नेछ
आरसीबी हाल १२ अंकसहित अंक तालिकाको पाँचौं स्थानमा छ । आरसीबीले समूह चरणको अन्तिम खेलमा मे १८ मा सीएसकेको सामना गर्नेछ। यदि डुप्लेसिसको टोलीले पहिले ब्याटिङ गर्दा चेन्नईलाई हरायो भने नेट रन रेट सीएसकेको भन्दा राम्रो हुनेछ। त्यो अवस्थामा उसको खातामा १४ अंक हुनेछन्। यस बाहेक बेंगलुरुले सनराइजर्स हैदरावाद र लखनउ सुपर जायन्ट्सको खेलमा पनि भर पर्नु पर्नेछ। यदि केएल राहुलको टोलीले दुई खेलमा एक मात्र जित्यो र दिल्ली–गुजरातको नेट रन रेट कमजोर रह्यो भने शनिबार आरसीबी–चेन्नईबीच कडा प्रतिस्पर्धा हुन सक्छ।
चेन्नई प्लेअफबाट एक कदम मात्र टाढा छ
चेन्नई १३ खेलमा सात जितसहित अंक तालिकाको तेस्रो स्थानमा छ। टोलीको खातामा १४ अंक छ । चेन्नईले आफ्नो अन्तिम खेल बेंगलुरुसँग मात्र खेल्नुपर्नेछ । गायकवाडको टोलीले यो खेल जित्यो भने प्लेअफमा पुग्ने छ । यदि उसले यो खेल हारेमा उनीहरूले नेट रन रेटमा भर पर्नु पर्नेछ।
बेंगलुरु–चेन्नईको शीर्ष ४ मा पुग्नको लागि के समीकरण छ ?
यदि आरसीबीले आफ्नो अर्को खेलमा सीएसकेलाई थोरै अन्तरले पराजित गर्यो भने तिनीहरूको १४ अंक हुनेछ। यस अवस्थामा सीएसकेको नेट रन रेट धेरै प्रभावित हुनेछैन। लखनउले यसअघिका दुई खेलमा एउटा मात्र जितेको छ । मे १४ मा लखनउले दिल्लीसँग खेल्नेछ भने १७ मेमा मुम्बई इन्डियन्ससँग खेल्नेछ । दिल्लीले लखनउलाई हराएमा उसको खातामा १४ अंक हुनेछ।
हैदरावादले आफ्ना दुवै खेल गुमाउनु पर्नेछ । यस्तो अवस्थामा मात्र १४ अंक हुनेछ । उनको नेट रन रेट पनि रोकिनेछ । यस अवस्थामा आरसीबी र सीएसके १४ अंक र राम्रो नेट रन रेटका साथ शीर्ष–४ मा हुनेछन्। लखनऊ र हैदरावादकोपनि १४ अंक हुनेछ, तर तिनीहरूको नेट रन रेट चेन्नई र बेंगलुरुको तुलनामा धेरै हुनेछैन। यद्यपी खेलमा चमत्कारीक परिणाममा हारजित भएमा जस्तोपनि परिणाम आउने रोचक गणित अझै कायम नै छ ।
