काठमाडौं । इंग्लिस प्रिमियर लिग फुटबलमा आर्सनलले रोमाञ्चक जित निकालेको छ । गएराति भएको खेलमा टोटनहमलाई ३–२ गोलले हराउँदै जित निकालेको हो । आर्सनलका लागि बुकायो साका र काइ हाभर्ट्जले एक–एक गोल गरेका थिए भने एक गोल आत्मघाती स्वरुप प्राप्त भएको थियो । यस्तै टोटनहमका क्रिस्टियन रोमेरो र सन ह्युन मिनले एक–एक गोल फर्काएका थिए ।
खेलको १५औँ मिनेटमा टोटनहमका पियरे इमिल होन्बर्गले आत्मघाती गोल गरेपछि आर्सनलले सुरुवाती अग्रता लिएको थियो । यस्तै २७औँ मिनेटमा साकाले गोल गर्दै टोलीको अग्रतालाई दोब्बर बनाए । यसैगरी ३८औँ मिनेटमा हाभर्ट्जले गोल गर्दै खेललाई ३–० को अवस्थामा पु¥याए ।
प्रकाशित मिति : २०८१ बैशाख १७ गते सोमवार
